श्री विन्ध्येश्वरी चालीसा

श्री विन्ध्येश्वरी चालीसा

नमो नमो विन्ध्येश्वरी, नमो नमो जगदम्ब।

सन्तजनों के काज में मां करती नहीं विलम्ब ॥

जय जय विन्ध्याचल रानी । आदि शक्ति जग विदित भवानी ।। सिंहवाहिनी जै जग माता ।

जय जय जय त्रिभुवन सुखदाता ।। कष्ट निवारिणी जय जग देवी।

जय जय असुरासुर सेवी ॥ महिमा अमित अपार तुम्हारी । शेष सहस मुख वर्णत हारी ॥

दीनन के दुख हरत भवानी। नहिं देख्यो तुम सम कोई दानी ॥

सब कर मनसा पुरवत माता । महिमा अमित जगत विख्याता ॥ जो जन ध्यान तुम्हारो लावे । सो तुरतहि वांछित फल पावे ॥ तू ही वैष्णवी तू ही रुद्राणी। तू ही शारदा अरु ब्रह्माणी ॥ रमा राधिका श्यामा काली।

तू ही मात सन्तन प्रतिपाली ।। उमा माधवी चण्डी ज्वाला । बेगि मोहि पर होहु दयाला ।। तू ही हिंगलाज महारानी। तू ही शीतला अरु विज्ञानी ।। दुर्गा दुर्ग विनाशिनी माता। तू ही लक्ष्मी जग सुख दाता ॥

तू ही जाह्नवी अरु हेमावती अम्बे उत्राणी । निरवाणी ॥ अष्टभुजी वाराहिनी देवी। करत विष्णु शिव जाकर सेवी ॥ चौसट्ठी देवी कल्यानी। गौरी मंगला सब गुण खानी ॥ पाटन मुम्बा दन्त कुमारी।

भद्रकाली सुन विनय हमारी ॥ वज्र धारिणी शोक नाशिनी। आयु रक्षिणी विन्ध्यवासिनी ।। जया और विजया बैताली। मातु सुगन्धा अरु विकराली ॥ नाम अनन्त तुम्हार भवानी। बरनै किमि मानुष अज्ञानी ॥

जा पर कृपा मात तव होई। तो वह करै चहै मन जोई ॥ कृपा करहु मो पर महारानी । सिद्धि करिए अम्बे मम बानी ॥ जो नर धेरै मात कर ध्याना । ताकर सदा होय कल्याना ।। विपति ताहि सपनेहु नहिं आवै।

जो देवी का जाप करावै ॥ जो नर कहं ऋण होय अपारा। सो नर पाठ करै शतबारा ॥ निश्चय ऋण मोचन होई जाई। जो नर पाठ करै मन लाई ॥ अस्तुति जो नर पढ़े पढ़ावै। या जग में सो अति सुख पावै ॥

जाको व्याधि सतावे भाई। जाप करत सब दूरि पराई ॥ जो नर अति बन्दी महं होई। बार हजार पाठ कर सोई ॥ निश्चय बन्दी ते छुटि जाई। सत्य वचन मम मानहु भाई ॥ जा पर जो कछु संकट होई।

निश्चय देविहिं सुमिरै सोई ॥ जो नर पुत्र होय नहिं भाई। सो नर या विधि करे उपाई ॥ पाँच वर्ष सो पाठ करावै। नौरातर में विप्र जिमावै ॥ निश्चय होहिं प्रसन्न भवानी। पुत्र देहिं ताकहँ गुण खानी ॥

ध्वजा नारियल आनि चढ़ावै। विधि समेत पूजन करवावै ॥ नित्य प्रति पाठ करै मन लाई। प्रेम सहित नहिं आन उपाई ॥ यह श्री विन्ध्याचल चालीसा। रंक पढ़त होवे अवनीसा ॥ यह जनि अचरज मानहुँ भाई।

कृपा दृष्टि तापर होई जाई ॥ जय जय जय जग मातु भवानी। कृपा करहु मोहिं पर जन जानी ॥

Also Read- श्री दुर्गा चालीसा

FAQS-